Загрузка...

ბერლინის ლტოლვილთა ბანაკში მასობრივი ჩხუბის დროს ერთი ქართველი მოკლეს, ათმა კი სხეულის მძიმე დაზიანებები მიიღო. გერმანიაში მცხოვრები საქართველოს მოქალაქეები კურიერთან ყვებიან, რომ კონფლიქტი ბანაკში ჯერ საქართველოს 29 წლის მოქალაქესა და 18 წლის სუდანელს შორის დაიწყო.

მათი თქმით, ჩხუბის შემდეგ სუდანის მოქალაქე კლინიკაში გადაიყვანეს. ამის შემდეგ დაშავებულის მეგობრები ბანაკში მცხოვრებ ქართველებს თავს დაესხნენ და ფიზიკურად გაუსწორდნენ.

Загрузка...

წყარო კურიერს უყვება, რომ ბერლინის ლტოლვილთა ბანაკში საქართველოსა და სუდანის მოქალაქეების შორის კონფლიქტის მიზეზი ქურდობა გახდა. მათი თქმით, ბანაკში მცხოვრებ რამდენიმე ქართველს ძვირფასი ნივთები მოპარეს.

თავშესაფრის მაძიებელთა დროებით საცხოვრებელში სისხლიანი დაპირისპირების ამბავი კი მას შემდეგ გახმაურდა, რაც საქართველოს ორმა მოქალაქემ ტერიტორიის დატოვება და ინფორმაციის მიწოდება ბერლინში მცხოვრები სხვა ქართველებისთვის შეძლო.

10 დაშავებული ქართველიდან ოთხი ამ დრომდე ბერლინის საავადმყოფოშია. ერთის მდგომარეობა განსაკუთრებით მძიმეა.

ჯერჯერობით ვერ ხერხდება ბერლინის ლტოლვილთა ბანაკში გარდაცვლილი და დაშავებული ქართველების იდენტიფიცირება. იმის გამო, რომ საქართველოდან ჩასულები გერმანიის მთავრობას თავშესაფარს სთხოვდნენ, ოფიციალურ უწყებებს არა აქვთ უფლება, მათი პერსონალური მონაცემები საქართველოს საელჩოს გადასცენ.

გერმანიაში თავშესაფრის მაძიებელთა ბანაკში მომხდარი ჩხუბის გამოძიება გერმანიის პოლიციამ უკვე დაიწყო.

ინფორმაციას იმის შესახებ, რომ ჩხუბის დროს საქართველოს მოქალაქე დაიღუპა, საქართველოს დიპლომატიური წარმომადგენლობა ჯერ არ ადასტურებს.

კურიერთან რესპონდენტები ამბობენ, რომ უკვე წლებია, რაც გერმანიაში საქართველოს წარმომადგენლობას საქმის კურსში აყენებენ, რომ ბანაკებში ელემენტარული საყოფაცხოვრებო პირობებიც არ არსებობს და იქ ქართველებს არაადამიანურად ექცევიან. ქვეყნიდან წასული ახალგაზრდების თქმით, საელჩოს რეაგირება არცერთ განცხადებაზე არ მოუხდენია.

მასობრივი ჩხუბი ბერლინის ლტოლვილთა ბანაკში

მასობრივი ჩხუბი ბერლინის ლტოლვილთა ბანაკში – მოკლულია 1 ქართველი და დაშავებულია 10რა ინფორმაცია მიოპოვა "კურიერმა" ბერლინის ლტოლვილთა ბანაკში მოკლული ქართველის შესახებ, დეტალურად ნახეთ ბმულზე http://rustavi2.ge/ka/news/109772

Gepostet von Rustavi 2 am Dienstag, 24. Juli 2018

Загрузка...