Загрузка...

ბროკოლი – მწვანე ყვავილოვანი კომბოსტო რომაული წარსულით

ქრისტეშობამდე მე-6 საუკუნეში ხმელთაშუა ზღვისპირეთში გამოიყვანეს კომბოსტოს ნაირსახეობა ჟღერადი იტალიური სახელით – ბროკოლი, რაც კომბოსტოს აყვავებულ ტოტს ნიშნავს.

მე-18 საუკუნეში ბროკოლი უკვე ევროპის მრავალ ქვეყანაში იყო გავრცელებული. გასული საუკუნის 20-იან წლებში კი იტალიელმა ემიგრანტებმა ის ამერიკის შეერთებულ შტატებშიც ჩაიტანეს. ასე გახდა ბროკოლი ყველასათვის საყვარელი ბოსტნეული.

რატომ გვიყვარს ბროკოლი

  • შეიცავს კალიუმს, ფოსფორს, კალციუმის ორმაგ რაოდენობას, ვიდრე სხვა კომბოსტოს სახეობები.
  • ბროკოლის პრაქტიკულად ისეთივე რაოდენობის კალციუმს შეიცვას, როგორც იმავე რაოდენობის რძე.
  • მდიდარია რკინით, თუთიით, მანგანუმით, გოგირდით, მაგნიუმით
  • შეიცავს ვიტამინების ნამდვილ
    Загрузка...

    არსენალს – C, B1, B2, B5, B6, PP, E, K, A.

  • შეიძლება გაგიკვიდრეთ, მაგრამ C ვიტამინის შემცველობა ბროკოლში უფრო მეტია, ვიდრე ციტრუსებში. დაახლოებით 100 გრ ბროკოლი თითქმის 100 % უზრუნველყოფს თქვენს დღიურ მოთხოვნას C და K ვიტამინზე.
  • B1 ვიტამინის მაღალი შემცველობის გამო არეგულირებს ნერვული სისტემის მოქმედებას.
  • ბროკოლის შემადგენლობაში შედის მეთიონინი და ქოლინი, რომლებიც ხელს უშლის ქოლესტერინის დონის მატებას და ათეროსკლეროზის განვითარებას.
  • ამ მწვანე ბოსტნეულის შემადგენლობაში სელენი, სულფორაფანი და ანეტოლტრითიონი აქტიურად განიხილება, როგორც სიმსივნესთან მებრძოლი ნივთიერებები.
  • საუკეთესო არჩევანია დაბალკალორიული დიეტების დროს წონაში კლების მისაღწევად.
  • შეიცავს დიდი რაოდენობით საკვებ ბოჭკოებს, რის გამოც ხელს უწყობს ნაწლავის ნორმალური მიკროფლორის აქტივობას და ხელს უშლის ყაბზობას.
  • ასტიმულირებს ნაღვლის წარმოქმნას, ღვიძლის და ნაღვლის ბუშტის ფუნქციებს.
  • შეცუვლელია პირველი და მეორე ტიპის შაქრიანი დიაბეტის დროს. მასში შემავალი სულფორაფანი ასტაბილიზირებს შაქრის დონეს.
  • ქლოროფილი დადებით ზეგავლენას ახდენს სისხლბადი სისტემის ფუნქციონირებაზე.

როგორ მოვამზადოთ ბროკოლი სწორად

როგორც წესი, დედების უმეტესობა მხოლოდ ყვავილედებს იყენებს მოსამზადებლად. იცოდით, რომ ღეროებიც შეგიძლიათ გამოიყენოთ? ოღონდ კანი უნდა გააცალოთ დანით.
ყვავილოვანი კომბოსტოს ყვავილების მოხარშვისათვის საკმარისია 5-7 წუთი, ღეროებისათვის კი 10-12 წუთი. ქვაბიდან ამოღების შემდეგ გადაავლეთ ცივი წყალი. ასეთი სახით დამუშავებული ბროკოლი ვიტამინებსაც ინარჩუნებს და საკვებადაც უფრო გემრიელია.

როგორ ამოვირჩიოთ კარგი ხარისხის ბროკოლი

დაკვირდით ყვავილედებს. ახალ, მრალი ხარისხის ბროკოლს მოიისფრო მწვანე ყვავილედები აქვს. თუ შეპარულ სიყვითლეს ამჩნევთ, ასეთ ბროკოლს ნუ იყიდით – ის უკვე გადამწიფებულია და ნაკლები რაოდენობის ნუტრიენტს შეიცავს.

შეიძლება თუ არა გაყინოთ?

უმჯობესია, მოიხმაროთ ახალი ბოსტნეული, მაგრამ თუ ხშირად ვერ ახერხებთ იყიდოთ ახალი, მაშინ გაყინვაც შეგიძლიათ.

მოამზადეთ ბროკოლის პიურე ჩვილისათვის (4-4,5 თვიდან)

დამუშავებული, მოხარშული ბროკოლი დააბლენდერთ. გაათხელეთ დედის რძით ან ხელოვნური ნარევით, ამ მიზნით პასტერიზებული რძის გამოყენებაც შეგიძლიათ. დაამატეთ 1 ჩაის კოვზი ზეითუნის ზეთი.

ბროკოლის პიურეს სხვა ბოსტნეულიც შეგიძლიათ შეურიოთ.

დაბოლოს, იცით, რომ ბროკოლისაგან ძალიან ეფექტური სახის ნიღაბიც შეგიძლიათ მოამზადოთ?
აბა, სცადეთ.

დაგჭირდებათ ბროკოლის 4 ყვავილედი, 1 ჩაის კოვზი თაფლი, 2 ჩაის კოვზი გაგრილებული მწვანე ჩაი.
დააბლენდერეთ ბროკოლი, შეურიეთ თაფლი და ბოლოს მწვანე ჩაი. წაისვით მიღებული მასა სახეზე , თვალების ირგვლივ არეების გარდა და დაიტოვეთ 15 წუთით. ჩამოიბანეთ თბილი წლით. აუცილებლად მოგეწონებთ კარგად დატენიანებული, ვიტამინებით გაჯერებული, ნაზი კანი!

მედიცინის დოქტორი, პედიატრი თამარ ობგაიძე

Загрузка...